Kirdkî.com Xirbanê xo ra bigêrîn, şênayîyê şarî ra megêrîn
Tercumeyê Ûsmankî yê Şerefnameyî ke 1682 de katibê Mîreyê Palî, Şem’î ra amade bîyo hetê Weşanxaneyê Nûbiharî ra weşanîya.
Kitab hetê Şeref Xanê Bêdlîsî ra bi ziwanê fariskî ya zîlhîcce 1005/ Tebaxe 1597 de Bêdlîs de bi nameyê Şerefname yan zî Tarîxê Kurdistanî dest bi telîfî bîyo. Metnê kitabî zafanê nesîr bo zî şîîrê ke zafaneyê ci hetê Şeref Xanî ya nusîyayê zî ca dîyayê ci. Şeref Xan, çimeyanê nuştekîyanê fariskî, erebkî û tirkî ra pîya cerebneyîyanê xo û agahîyanê fekkî, mîreyanê kurdan, rîsipîyanê eşîran ke tarîxê înan nuşto ra arê dayo ra zî îstîfade kerdo.
Şeref Xan, badê qedînayîşê kitabî ra Şevval 1007/Gulane 1599 de agahîyê neweyî ke resayo ci îlawe kerdê. Şeref Xan, kitabî, padîşahê Ûsmanîyan yê devrê xo Mehmedo III. rê îthaf kerdo û kitab yew tarîxê Kurdistanî yo.
Kitab hetê akademîsyenanê Fakulteyê Edebîyatî yê Ûnîversîteya Mêrdîn Artukluyî ra Doç. Ht. Dr. Adnan OKTAYî ra weşanî rê amade bîyo û Weşanxaneyê Nûbiharî ra çap bîyo.
