The Revenant

The Revenant

Nê rojanê peyênan de şima vajî ez xo rê fîlmêk temaşa bikerî alternatîfêko weş xo ramojna: The Revenant (Newe ra ganîbîyayîş). Rejîsorîya fîlmî Alejandro G. Iñárritu keno. Kaykerdoxî
Leonardo Di Caprio, Tom Hardy, Domhnall Gleeson, Will Poulter ê. Senaryoyê ci bi destê rejîsora fîlmî û Mark L. Smithî ra nusîyaya. Fîlm serra 1823 de Amerîka de vîyarena. Seyadê kurke Hugh Glass, hetê yew heşî ra giran beno brîndar. Embazê eyî Glassî tedavî kenê la Çermesûrî hayê înan dima. Verê bi sedye ey zî xo de benê la dima ewnîyenê nêbeno, Glass giran birîndar o. Pabeyê mergê ey ê. Lajê ey zî tede hîrê tenî verê ey de manenê. La embazanê ey ra yewî tersê Çermesûran ver a gêreno Glassî caverdo la lajê Glassî qebul nêkeno. Embazê ci lajê Glassî kişeno û Glassî zî o tewir mergî rê terk keno û embazê bînî zî xapîneno. Glass, dima uca ra xo xelisneno û heyfê xo dima şono.

Fîlm, hem xozaya tabîî yê Amerîkayî hem zî fikirîyayîşê şarê ê wextî zaf weş nişan dano. La fîlm de çîyêko balkêş o yo ke şarê Çermesûrî senî qir bî nişan dano.

Fîlm weş o la bi kirdkî bibênî weşêr bênî. Malesef hema o tewir yew sektor ma de awan nêbîyo. Îmkanê ma hema ehende aver nêşîyî la tîya de teknolojî ardimê ma keno. Komputure ser o profesyonel nêbo zî merdim eşkeno çend çîyan bikero. Mi zî qey şima binnuşteyo kirdkî hedre kerd. Şima DVDyê nê fîlmî hêrîna yan zî înternet ser o ard war, dosyaya binnuşteyê kirdkî kişta fîlmî de ronî şima eşkenê nê fîlmî bi binnuşteyê kirdkî temaşa bikerî. La seba xebitîyayîşî, dosya gereke nameyê dosyaya fîlmî û binnuşteyî yew bo. Nêbi şima eşkenê Google ra seba neyî melumat bigerî…  seba dosya bitikne:  therevenant

 sipîyenî