Kirdkî.com Xirbanê xo ra bigêrîn, şênayîyê şarî ra megêrîn
Serdar Bedîrxan
Weşanxaneyê Zehra ke tercumekerdişê Kulîyatê Rîsaleyanê Nûrî domneno, panc rîsaleyê qijekî kurdkîya zazakî de weşanayî.
Rîsaleyê Nûrî ke heta nika tadîyayê da-des hebî ziwananê dinya, semedo ke Tirkîya de kurdkî qedexe bî, tercumeyê kurdkî nêbîbî.
Tirkîya de xebata tercumekerdişî a sifteyine 1992 de hetê Weşanxaneyê Nûbiharî ra bîye.
Xebata tercumeyî 2008 de bi açarnayîşê des rîsaleyanê cêbî yê qicekan ke Weşanxaneyê Zehra ra vejîyayî reyra bi gamanê lezan rayîr girewte.
Weşanxaneyê Zehra ke tercumekerdişê Kulîyatê Rîsaleyanê Nûrî domneno, dest bi yew gama newîye kerde; Kulîyatê Rîsaleyê Nûrî ra panc rîsaleyê qijekî kurdkîya zazakî de weşanayî. Weşanxaneyê Zehra “Rîsaleyê Îxlasî (İhlas Risaleleri)”, “Rîsaleya Nêweşan (Hastalar Risalesi)”, “Vateyê Qijekî (Küçük Sözler)”, “Rîsaleya Birarîye (Kardeşlik Risalesi)” û “Mucîzeyê Ehmedîye (Mucizati Ehmediye)”yî pêşkeşê îstîfadeyê zazakîwendoxan kerdî.
