Hûmara “Rojnameyê Zazakî” ya diyin vejîya.

 

Rojnameyê Zazakî ke safî bi kirdkî vejîyeno hûmara xo ya diyin vet. Na hûmare de der dorê Çewlîgî ra xeberî, alfabeya kirdan, kirdkî de bedelîyayîşê vengan,  nameyê dezgeh û sazgehan, kayvateyî, nameyê lajekan û keynekan, nameyê nebatan, malumatê nêweşîyan, nameyê aşman û demserran, sanikî(vistonikî), Çewlîg ra xeberê sporî, karîkatur û ferhengok ca genî.

Badê rojnameyê Newepelî ra no rojnameyê diyîn o ke mustaqîl û safî bi kirdkî vejîyeno.

Rojname bi fekê Çewlîgî vejîyeno. Hûmara ewilî(sifteyîn) de vatibi ke ma pancês rojî de hewî rojnameyê xo vejênî. La qeydeyo ke aseno aşme de hewî vejîyeno.

Ma hêvî kenî ke ne pancês rojî yan zî aşmêk de hewe, her roje yew rojnameyê ma yo safi bi kîrdkî bivejîyo. Xora bi destegîrê ma hemeyan.

Semedê têkîlîya rojnameyezazaki@gmail.com

Ti ancî xeyr ameyî “Rojnameyê Zazakî”