Seyîdxan Kurij

SEYÎDXAN KURİJ

 

Seyîdxan Kurij serrê 1960 de dewê Çewlîgî Kur de ameyo dinya. Goreyî vateyî dadîyî ey, o yan aşmê êlule de yan zî aşmê çirî de ameyo dinya. Kur, yew dewê ko ya, ha binî yew koyê de ya.

Seyîdxanî mektebo verên Kur de wend. 1950 ra pey mekteb amebi dewê Kur. Ey mektebî mîyanin (Ortaokul) û Lise zî Xarpêt de wendî. Beyntarê serranî 1980 û 1984 de ey Bursa de Fakultê makîna de muhendîsê wend.

Seyîdxan yew serr Amed-Çenkuş de Barajî Karakaya de sey muhendîsî makina xebitîya. O cuwa pey şi Almanya. Ey Almanya de 1992 de muhendîsê makîna beşî îmalat sey muhendîso berz qedna..

Seyîdxan serrê 1991 ra nat Almanya de almanki û kurdî (kurmancî û kirdkî) bernameyanê radyo virazeno. Pa bernameyanê radyo ya ey dest bi nustişî zî kerd. Heta nika yi folklorê kirdkî ra sanikî, meseleyî, fiqreyî, fablî, vateyê vêrînan arêkerdî. Ey nuşteyî Peter Lerq û Ahmet Sayî tadayî kirdkî.

Seyîdxan Kurij, bi tirkî almankî û kurdî (kurmanckî û kirdkî) roportajan virazeno û maqaleyan zî nuseno. Nuştê Seyîdxan Kurijî rojnameyanê Azadî, Dengê Azadî, Ronahî, Hêvî, Jîyana Nû, Roja Teze, Roj, Welat, Özgür Gündem û kovaranên Armanc, Çira, Nûdem, Medya Güneşî, Bîr, Vate û xelîyek malpêranî Înternet de vêcîyayî. O nêzdî di serî rojnameyî ”Peyma Kurd” de endamî redeaksîyon û mesulî beşî kirkdî bi. Peyama Kurd rojnameyke hefteyî bi û bi kurmancî, soranî u kirdkî  Almanya de çapbînî.

Seyîdxan bi taybetî serewedartişî 1925 ( Serewedartişî Şeyh Seîd) û Yadîn Mehmûd Ebas (Yado) ser xebat kerd a. Ey no derheq de zaf roportaj viraştî û xebatê cigêrayiş kerda.

Seyîdxan Kurij serrê 1997 ra nat pa 15-20 ambazan a bi kirdkî kovara kulturî Vate zî vecenî.

Wi zewicîyaye yo û yew kêna û yew lajî yi estî.

 

Hetanî nika nê kitabê ey weşanîyayî:

 

1) Seyîdxan Kurij, Wayê Hot Birayûn: Sanikan û Deyîranê Çewlîgî ra, Weşanên Arya, Îstanbul, Nîsane 2002, 128 r.

2) Seyidxan Kurij, Filît û Gulîzar, Weqfa Kurdî ya Kulturî Stockholmê, Stockholm, 2004, 28 r.

3) Seyîdxan Kurij (Arêkerdox), Arwûnçî û Lûy, Enstîtuya Kelepûrê Kurdî Şaxê Duhokî, Duhok 2010, 223 rîpelî

4) Seyîdxan Kurij, Bi Vateyî Şahadan Hareketê Şeyh Seîd (bi tirk), Weşanxaneyî Lîs, Dîyarbekîr, Gulan 2013

 

Kitabî Ortaxî:

1 – Seyidxan Kurij, Veng û Vate, Vate Yayınları, İstanbul, 2010

2 – Seyidxan Kurij, Nika wextê Huyayişi yo , Vate Yayınları, İstanbul, 2008

 

Kîtabî yê ke semedê çapkerdişa hedreyî:

 

1) Klamî Çewligî

2) Peter Lerch`in Kurdoloji Çalişmalari hem kirdkî hem tirkî

 

Tercume:

Ahmet Say, Güneşin Savrulduğu Yerden – Bingöl Hikayeleri ( Tirki ra tadayişî kirdkî), Weşanî Evrensel, İstanbul, Gulan 2013