Kirdkî.com Xirbanê xo ra bigêrîn, şênayîyê şarî ra megêrîn
M. Mîrzûnî
Welat marad çi heta?
Gijik bi sipîwo vorin
Wikê welat çi heta w’
Sarê mi bîyû horin
Bikê marad çi heta
Aw do ra hetî aw a
Têyr bî ra hetî la wa
Ina çi felek a zuwa wa
Wikê ti ha çi heta
Mîrçik bîya berz ezmîn
Mi ra dûr şîyû biye texmîn
Mi werda luelê gezmîn
Kezeb day ha çi heta
Bira dezza day û way
Derd û kulî pîyorey mi ra y’
Bî xirab buêyê haway’
Buêyê gul ha çi heta
Gijik bi sipîwo vorin
Wikê welat çi heta w’
Sarê mi bîyû horin
Bikê marad çi heta
Dezay mino ti senîn î?
Serrî umê serrî vîyertî
Biray mino mi tî nidî
Lajî apî mi lajî varûn î
De mi ra vaj ti senîn î
Darê valyer tu pawena
Vilê sayer tu wazena
Daykê mi ha werri ûna
Delal mino ti senîn î
Vîzyêr û êr şew û siba
Ristim ristim darê Tûba
Bîyû kuhun adîr sûba
Kekî mino ti senîn î
Ni yo ûmnûn di zimistûn
Bîyû wişk kuêk yi di zergûn
Lajî apî tu ho deyrûn vûn
Umbaz mino ti senîn î
Çi sêr ûmê çi sêr vîyertî
Biray mino mi ti nidî
Lajî apî mi lajî varûn î
Dezzay mino ti senîn î
Ûncen ûncen ez in dêrd ver mireni
Ti hes kênî Elî ra dêst xû bûnc mi ra
Rîyerî Elî ser ez gûnî xû dûni
Ti hes kên Elî ra dest xû bûnc mi ra
Mehemmedo Mîrzûnîyem yar mirî vûna
Hilikar di çirêy aşitî bena
Ya melhem nidû eg birîn wirzena
Ti hes kên Elî ra dest xû bûnc mi ra
