Tezo tewr verên yê zazakî

       Unîversîteya Artuklu de tezo tewr verên yê zazakî ame qebul kerdiş.

       Unîversîteyê Artuklu, Enstîtûyê Ziwanê ke Tirkîye de Ciwîyenê, Beşa Kultur û Ziwanê Kurdî de tezê lîsansê berzî yê kirdkî ame qebulkerdiş. Wendekare Nadîre Gûntaş Aldatmaz bi nameyê “Folklora Kirmancan(Kirdan) Ser o Cigêrayîşê” tezê xo pêşkeş kerd û tezê ci qebul bî. Heyetê tezî de Prof. Dr. Qadrî Yildirim, Doçentê Ardimkerdoxî Abdurrahman Adak, Nurettîn Beltekîn, Xayrullah Acar û M.Malmîsanijî bîbî.

       Ardimkerdoxê rektorî û mudîrê enstîtuyî Prof. Dr. Qadrî Yildirim va ke serra ke enstîtuyê ma nîya ro, ma zazakî rê hetkarîya pozîtîfî kerd. Ma wayîrê kirdkî vejîyêyî. Semedê standartbîyayişê ci zî ma xeylêk xeyret mot ra. Tezê lîsansê berz yê kirdkî yê tewr verên mudafaa ra serkewte vejîya û naye ra ez zaf keyfweş bîya. Ma pê çimê îdeolojî kirdkî ra nêewnîyenî ma pê çimê zanayişî ya ewnîyênî.

      Ma zî seba no xizmeto baş hem zanîngehê Artukluyî hem zî wendekare Nadîre Guntaş Aldatmazî pîroz kenî û her tim aye rê serkewtiş wazenî.